Rıdderde áıel 2 jasar balasyn balkonnan qulatyp aldy
ShQO Polıtsııa departamenti baspasóz qyzmetiniń málimetine súıensek, 27 qańtar kúni polıtsııaǵa úshinshi qabattyń balkonynan kishkentaı balanyń qulaǵany týraly habar tústi.
«Belgili bolǵandaı, 20 jastaǵy qala turǵyny eki jasar balasymen qonaqta bolǵan. Óz úıine qaıtpaq bolǵanda páter esigi kiltke jabylyp turǵan. Sol kezde mas áıel balasymen birge balkon arqyly syrtqa shyǵýǵa bel baılaǵan. Balkonnan túsirip jatqanda bala qarǵa qulap ketken», - delingen aqparatta.
Osydan keıin bala Rıdder qalasyndaǵy medıtsınalyq mekemege jetkizildi. Tekserý nátıjeleri kórsetkendeı, ol aýyr jaraqat almaǵan, ómirine eshqandaı qaýip tónip turǵan joq.
Atalǵan fakti boıynsha áıelge qatysty QR ÁQBtK-niń 127-babyna sáıkes ákimshilik hattama toltyryldy. Sondaı-aq aldaǵy ýaqytta materıal kámeletke tolmaǵandardyń quqyqtaryn qorǵaý jónindegi komıssııaǵa ata-ana quqyqtarynan aıyrý týraly ótinishpen usynylatyn bolady.