Rıdderde asqan qatygezdikpen óltirilgen úsh adamnyń denesi tabyldy
ÓSKEMEN. Qazannyń 23-i. QazAqparat /Lıýdmıla Malko/ - Rıdderde keshe naǵyz «qandy oqıǵa» oryn aldy - polıtseıler temirjol jelisi aýdanyndaǵy «Krýglaıa sopka» alańqaıynda eki er azamat pen bir áıeldiń denesin tapty.
Máıitter ábden keskilep tastalynǵan, polıtsııa ókilderiniń aıtýynsha, «bireýler olardy asqan aıýandyqpen óltirgen». Dereý qylmyskerlerdi izdeýge kirisken polıtsııa Rıdder qalasynyń kámeletke tolmaǵan úsh turǵynyn ustady. Olardyń úsheýi de - jaısyz otbasynan shyqqandar.
Olardyń bastapqy jaýaptary boıynsha, bul qylmysqa olardyń «buzaqylyq áreketteri» sebep bolǵan. Qazir «adam óltirý» baby boıynsha qylmystyq is qozǵaý týraly másele qarastyrylýda. Tergeý amaldary júrgizilýde.
