Rıdderde advokatty qorlaǵan er adam jumysqa tartyldy
RIDDER. QazAqparat – Rıdder qalasynyń turǵyny advokatty ádepsiz sózdermen qorlaǵan, dep habarlaıdy QazAqparat tilshisi.
ShQO boıynsha QAJD baspasóz qyzmeti málimetine súıensek, aıyptalýshy advokattyń jeke basyna qatysty aýyr sózder aıtyp qorlaǵan. Ol advokattyń jumysyna kelip, kýágerlerdiń kózinshe ádepsiz sózder aıtqan.
Jábirlenýshi polıtsııaǵa habarlasyp, er adamnyń ádepsiz áreketterine aryz túsirdi. Sot sheshimimen Rıdder turǵyny 100 saǵattyq qoǵamdyq jumysqa tartylǵan. Qazirgi ýaqytta ol qoǵamdyq jumystardy tolyǵymen oryndap shyqty. Endi probatsııa qyzmetiniń esebinen shyǵarylady.
«Aıyptalýshy sot úkimi kúshine engennen keıin probatsııa qyzmetine esepke qoıylyp, qoǵamdyq jumystardy oryndaý úshin jergilikti atqarýshy organǵa jiberildi. Sonymen qatar tárbıe jáne profılaktıkalyq jumystar júrgizildi. Ol óz kinásin túsinip, qoǵamdyq jumysty atqardy. Endi sary qaraı probatsııa qyzmetiniń baqylaýynan shyǵarylady», - dedi Rıdder qalalyq probatsııa qyzmetiniń bastyǵy Almıra Maılhanova.
