Rıdder jylý ortalyǵynyń jańa ıesi ony kommýnaldyq menshikke berýge kelisti
«Rıdder JEO» AQ-ny osy jyldyń qańtar aıynda «RNGK» JShS satyp alǵan. Alaıda sol ýaqyttan beri ortalyqta birneshe apat bolyp, jaǵdaı ońalmaı qoıdy.
ShQO ákimdigi jylý elektr ortalyǵyn kommýnaldyq menshikke alý jaıly usynys jasaǵanymen osy ýaqytqa deıin kompanııa basshylyǵy kelispeı kelgen.
Endi JShS dırektory Vıtalıı Sharov óńir ákimdigine hat joldap, ortalyqty memleket balansyna berýge daıyn ekendigin jetkizdi.
«Búginde jylý elektr ortalyǵynyń kómir, mazýt jetkizýshilerine, jóndeý jumystaryn júrgizgen uıymdarǵa jáne elektr energııasyna kredıtorlyq bereshegi bar. Budan bólek, úshinshi tulǵalar aldyndaǵy oryndalmaǵan mindettemeler de bar. Sondyqtan nysandy memleket menshigine berýge kelisimimizdi bildiremiz jáne osy usynystyń sharttaryn talqylaýǵa daıynbyz», - deıdi ol.
Eske salsaq, taıaýda Rıdderdegi jylý ortalyǵynda taǵy apat bolǵany habarlanǵan.