Rıdder jylý ortalyǵynyń jańa ıesi ony kommýnaldyq menshikke berýge kelispeı otyr

ÓSKEMEN. QazAqparat – Shyǵys Qazaqstan oblysy Rıdder qalasyndaǵy JEO-nyń jańa ıesi ortalyqty kommýnaldyq menshikke berýge kelispeýde, dep habarlaıdy QazAqparat tilshisi.

Rıdder qalasy ákimdiginiń málimetine súıensek, JEO-da qazirgi ýaqytta úsh qazandyq jumys istep tur – ekeýi ortasha, biri joǵary qysymdy.

Erteń taǵy bir qazandyq iske qosylady dep josparlanǵan.

«Jylytý maýsymynyń aıaqtalýyna bir aıdan az ýaqyt qaldy. Ortalyqtaǵy jabdyqtardyń nashar jaǵdaıyna baılanysty jumys osyndaı rejımde jalǵasady. ıAǵnı, keıbir qazandyqtar jóndeýge berilse, sol kezde basqalary iske qosylyp otyrady. Búginde №6 jáne №2 qazandyqtar kúrdeli jóndeýge jiberilýge daıyn», - deıdi shahar basshysy Dmıtrıı Gorkovoı.

Onyń aıtýynsha, JEO-ǵa kelgen Shyǵys Qazaqstan oblysy ákiminiń orynbasary Erjan Nurbaev jumys barysyn úzdiksiz baqylap otyr.

Al ortalyqtyń jańa ıesi kelgen joq.

«Zań boıynsha tótenshe jaǵdaı jarııalansa da JEO-ny kommýnaldyq menshikke ala sala almaımyz. Ol úshin jylý elektr ortalyǵy ıesiniń kelisimi kerek. Ázirge ol kelispeı otyr. Bul baǵyttaǵy kelissóz jalǵasyp jatyr», - deıdi D.Gorkovoı.

Eske salsaq, 21 naýryzda Rıdderdegi JEO-da 2 qazandyqtan órt shyqqan.

Shyǵys Qazaqstan oblysynyń ákimi Danıal Ahmetov jylý elektr ortalyǵyn kommýnaldyq menshikke berý kerektigin aıtty.

24 naýryzda Rıdderde tótenshe jaǵdaı rejımi jarııalandy.