Rıdder jylý ortalyǵyndaǵy jóndeý jumystary kún saıyn úsh aýysymmen úzdiksiz júrgizilmek
ShQO ákimi Danıal Ahmetov Rıdder jylý elektr ortalyǵyn kúrdeli jóndeýmen aınalysatyn merdiger uıymdardyń basshylarymen kezdesti. Kezdesý barysynda JEO-nyń jaǵdaıy jaqsaryp, kelesi jylytý maýsymynda aqaý shyqpas úshin atqarylatyn jumystar jaıly sóz etildi.
«Árbir qazandyq agregaty, týrbına, tehnıkalyq torap jóndeledi. Barlyq jumystar 15 qyrkúıekke deıin aıaqtalýy tıis. Tek jabdyqtardy jóndeý ǵana emes, shatyrdy jabý, krandy qalpyna keltirý jáne adamdardyń qolaıly ári qalypty jumys jaǵdaılary bolýy úshin jeldetý júıesin jóndeý qajet. Ár qondyrǵy boıynsha atqarylatyn jumystardyń tizimi, kólemi jáne olardyń oryndalýyn baqylaýǵa múmkindik beretin naqty keste jasalady. Jumys kún saıyn úsh aýysymda demalyssyz júrgiziledi», - dedi ákim.
Jylý elektr ortalyǵyn teksergen uıym qazirdiń ózinde 25 olqylyqty anyqtaǵan. Qazir solardy retke keltirý jumystary bastaldy.