Rıdder jylý ortalyǵyndaǵy úsh qazandyqty jóndeý jumystary aıaqtalýǵa jaqyn
ShQO ákimdiginiń málimetine súıensek, Rıdder JEO-daǵy jóndeý jumystary bekitilgen kestege sáıkes júrgizilip jatyr.
«Ortalyqtaǵy jumystarǵa 14 merdiger uıym tartylǵan. Onyń ishinde 9-y qazandyq agregattaryn jóndeýmen aınalysyp jatyr. Jospar boıynsha 25 tamyzǵa qaraı №1 qazandyq - 83%, №2 qazandyq - 90, 6%, №3 qazandyq -77%, № 4 qazandyq - 61, 9%, №5 qazandyq - 55, 4%, №6 qazandyq - 66, 5% daıyn bolady», - delingen aqparatta.
Jylý elektr ortalyǵyndaǵy jumysty Shyǵys Qazaqstan oblysy ákiminiń orynbasary Baqytjan Baıahmetov kún saıyn ózi qadaǵalap júr. Merdigerlermen apta saıyn jınalys ótkizip turatyn ol jumysshylar men materıaldar qolda turǵanda jumys qarqynyn tezdetýdi tapsyrǵan.
Basty nazar jylý kózine ǵana emes, rıdderlikterdiń úılerine jetkiziletin jylý jelilerine de aýdarylyp otyr. Qala ákimi Dáýlet Batyrbaev jylý jelilerindegi qysymdy baqylap, «Vostokvzryvprom» JShS jáne «Tereze» JShS mamandarymen birlese jumys istep jatyr.
Eske salsaq, osyǵan deıin Rıdder jylý ortalyǵyndaǵy kúrdeli jóndeý jumystary jartylaı aıaqtalǵany habarlanǵan.