Rıdder jylý ortalyǵyndaǵy kúrdeli jóndeý jumystary jartylaı aıaqtaldy

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵyndaǵy kúrdeli jóndeý jumystary jartylaı aıaqtaldy, dep habarlaıdy QazAqparat tilshisi.

Qala ákimdiginiń málimetine súıensek, Rıdder jylý elektr ortalyǵyndaǵy barlyq alty qazandyq jóndeýden ótýde. Onyń úsheýi qyrkúıek aıynyń sońynda, qalǵandary qazan aıynda daıyn bolady.

Qazandyqtar temperatýralyq rejımge sáıkes birtindep paıdalanýǵa berilip, kún sýyǵanda tolyq qýatta jumys isteıdi dep josparlanýda.

«JEO-daǵy jóndeý jumystarynyń barysy ákimdik pen turǵyndardyń baqylaýynda. Búginde jumystar 49%-ǵa aıaqtaldy. Sol jerge 9 kásiporynnyń 400-ge jýyq adamy jumyldyrylǵan», - delingen aqparatta.

№1 qazandyqtyń daıyndyǵy 65,7%, №2 – 47,3%, №4 – 43,6%. Qalǵan úsh qazandyqtyń jartysyna jýyǵy jóndeldi. Kesteden keshigý joq.