Rıdder jylý ortalyǵyndaǵy barlyq 6 qazandyq kúrdeli jóndeýden ótedi

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵynyń 6 qazandyǵy túgeldeı kúrdeli jóndeýden ótedi, dep habarlaıdy QazAqparat tilshisi.

ShQO ákimdiginiń málimetine súıensek, Rıdder jylý elektr ortalyǵyn jóndeý jumystary jaqyn arada bastalady.

«Ortalyqtaǵy barlyq alty qazandyq agregaty (úsh joǵary qysymdy jáne úsh orta) kúrdeli jóndeýden ótedi. Jylý energetıkasymen, jylý elektr ortalyqtaryn jóndeýmen, mamandandyrylǵan jabdyqtardy ornatýmen aınalysatyn kásiporyndar Rıdder JEO-na jasalǵan jedel taldaý nátıjelerin usynýy tıis. Osylaısha, ary qaraıǵy jumys algorıtmi qazirdiń ózinde túsinikti bolady. Bul úshin tıisti qarjy bar. Búginde qajetti jabdyqtyń bir bóligi satyp alyndy», - deıdi oblys ákimi Danıal Ahmetov.

Onyń aıtýynsha, jylý elektr ortalyǵynyń kredıtorlyq bereshegi úsh mıllıard teńgeden asady. Osyǵan baılanysty tıisti talap aryzdar berilgen.

«QR Prezıdentiniń tapsyrmasyn oryndaý aıasynda elimizdiń energetıkalyq obektilerin memleket menshigine alý týraly zań ázirlenýde jáne ony qabyldaǵannan keıin Rıdder JEO kommýnaldyq menshikke berilýi múmkin. Jańa jylytý maýsymynda tótenshe jaǵdaılar bolmaýy úshin 15 qyrkúıekke deıin barlyq jóndeý jumystary aıaqtalýy kerek», - deıdi óńir basshysy.