Rıdder jylý ortalyǵyndaǵy 4 qazandyq 20 qyrkúıekke deıin iske qosylmaq

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵynyń 4 qazandyǵy 20 qyrkúıekke deıin iske qosylady dep josparlanǵan, dep habarlaıdy QazAqparat tilshisi.

Qazirgi ýaqytta Rıdder JEO-da kúrdeli jóndeý jumystary júrgizilýde. Kesteden aýytqý joq. Barlyq toraptar men agregattar boıynsha jumystardyń oryndalýy 40 paıyzdan asyp otyr.

«Ortalyqtaǵy alty qazandyqtyń tórteýi 20 qyrkúıekke deıin iske qosylady dep josparlanýda. Ol úsh ortasha qysymdy qazandyq jáne bir joǵary qysymdy qazandyq. Al kún qatty sýyǵan kezde Rıdderde barlyq alty qazandyq jumys isteıtin bolady», - dep habarlady ShQO ákimdiginen.

Sondaı-aq Rıdderdegi jylý jelilerin qaıta qurýǵa basty nazar aýdarylýda. Kúrdeli jóndeý aıasynda JEO-da eki shaqyrymnan astam qubyr jańartylady. Jóndeýdiń smetalyq quny shamamen 1,1 mıllıard teńgeni quraıdy.

«Vostok Kotly» JShS mamandary eskilerin bólshektep, jańa qubyrlar tóseýde. Jumystar qalanyń tórt ýchaskesinde júrgizilýde.