Rıdder jylý ortalyǵynda taǵy órt shyqqany ras pa – qala ákimi jaýap berdi
21 naýryzda Rıdderdegi jylý elektr ortalyǵynda taǵy da oqys jaǵdaı bolǵan edi. Eki qazandyqta órt shyǵyp, úılerde jylý temperatýrasy azaıǵan.
Sol kúni qyzyl jalyn aýyzdyqtalyp, jylý elektr ortalyǵynda jylytý maýsymy aıaqtalǵanǵa deıin órt sóndirýshiler kezekshilik etetini habarlandy.
Alaıda 23 naýryzda áleýmettik jelide Rıdder JEO-dan qoıý qara tútin shyǵyp jatqan vıdeo jarııalandy.
Budan el arasynda ortalyq taǵy da órtenip jatyr degen sóz tarap ketti.
Osyǵan oraı qala ákimi Dmıtrıı Gorkovoı resmı málimdeme jasady.
«Rıdder JEO-da qara tútinniń paıda bolýy shańnyń jınalýynan bolatyn shyǵaryndylarǵa baılanysty. Qala turǵyndaryna alańdaýǵa esh negiz joq. Mamandardyń aıtýynsha, tehnologııalyq protsess buzylmaǵan», - deıdi ol.
Ákimniń aıtýynsha, shań tańerteń janar-jaǵarmaı traktynda shyqqan.
«Jylý elektr ortalyǵynda eki qazandyq qalypty rejımde jumys istep tur, bireýi jóndelýde, taǵy ekeýi jóndeýge shyǵaryldy. Jylý berý temperatýrasy qazir 45 gradýsty kórsetip tur, al Rıdderde aýa temperatýrasy -6 gradýs», - deıdi Dmıtrıı Gorkovoı.
Posmotret etý pýblıkatsııý v Instagram