Rıdder jylý ortalyǵyn jóndeýge qajet qarajat tolyqtaı bólindi

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵyn jóndeýge qajet qarajat 100% bólindi, dep habarlaıdy QazAqparat tilshisi.

Rıdderdegi jylý elektr ortalyǵyn kúrdeli jóndeýden ótkizý úshin 11 merdigermen kelisimshart jasalyp, 280 adam tartylǵan.

Jaqyn arada jóndeý jumystaryn júrgizip jatqandar sany taǵy 40 adamǵa kóbeıedi.

Bul týraly qala ákiminiń orynbasary Murat Baıjúmenov málim etti.

«Týyndaǵan máselelerdi talqylaıtyn tehnıkalyq keńes jumys isteýde. Onyń quramyna JEO mamandary men merdiger uıymdardyń ókilderi kirdi. Qarjy jáne basqa da resýrstar jetkilikti. Jóndeýge qajetti qarajat respýblıkalyq jáne oblystyq bıýdjetterden tolyqtaı bólindi. Endi jumys qarqyny arttyrylady», - deıdi ol.

Qazirgi ýaqytta barlyq alty qazandyqta (úsh joǵary qysymdy jáne úsh ortasha qysymdy qazandyq) kúrdeli jóndeý jumystary júrip jatyr.

Tozyǵy jetken jabdyqtar aýystyrylyp jatyr.

Qazandyqtarǵa qajetti qubyrlar daıyn. Materıaldar qatań túrde kestege sáıkes jetkizilýde

.