Rıdder jylý ortalyǵy kúrdeli jóndeýden ótedi

ASTANA. QazAqparat – ShQO ákimi Danıal Ahmetov Rıdderdegi jylý elektr ortalyǵynyń qazirgi jaǵdaıy týraly aıtyp berdi, dep habarlaıdy QazAqparat tilshisi.

«Rıdderdegi jylý elektr ortalyǵynda tótenshe jaǵdaı bolyp, órt shyqty. Jumys táýlik boıy júrip jatyr, 180 metr kómir berý konveıeri qaıta qalpyna keltiriledi. Erteń alǵashqy jeli jumys isteı bastaıdy. Jylý stansasy kómirge arnalǵan, tyǵyryqtan shyǵý jolynda mazýtty otyn retinde berýge májbúr boldyq. Qıyndyqtar týyndady. Kún saıyn 100-den astam adam 240 tonna kómir jetkizdi. Amal joqtan qolmen tasýǵa týra keldi», - dedi Danıal Ahmetov Úkimet kýlýarynda BAQ ókilderiniń saýalyna jaýap bere otyryp.

Oblys basshysynyń aqparaty boıynsha, Rıdder jylý ortalyǵyn kúrdeli jóndeýden ótkizýge 7 mlrd teńge qaralyp otyr.

Eske salsaq, ótken jyldyń sońynda Rıdderdegi jylý qazandyǵynan aqaý shyǵyp, qalada tótenshe jaǵdaı jarııalandy.

Sondaı-aq bıylǵy 4 qańtarda Rıdder jylý elektr ortalyǵyndaǵy stansada taǵy da apat boldy.

Odan bólek, 19 qańtarda atalǵan ortalyqtan órt shyqqan edi.