Rıdder jylý ortalyǵynyń qysqa daıyndyǵy qalaı
ÓSKEMEN. KAZINFORM – Shyǵys Qazaqstan oblysy Rıdder qalasyndaǵy jylý elektr ortalyǵynda qysqa daıyndyq jumystary aıaqtalýǵa jaqyn.
2024-2025 jylǵy jylytý maýsymyna daıyndyq sheńberinde Rıdder JEO-da negizgi jáne qosalqy jabdyqtardy, jylý jelilerin jóndeý jumystary júrgizilýde.
Bas ınjener Kırıll Golotanyń aıtýynsha, qazirgi ýaqytta birqatar qazandyq agregatynda negizgi jóndeý jumystary aıaqtalyp, olardy iske qosýǵa daıyndyq bastalyp ketti.
«№3 jáne №6 qazandyq agregattary boıynsha daıyndyq 97% quraıdy. Olar 20 qyrkúıekte iske qosylady dep josparlanǵan. Belgilengen merzimnen erterek qosylýy da múmkin», - deıdi ol.
Kásiporynǵa jabdyqtar jospar boıynsha jetkiziledi. 20 qyrkúıekke deıin qala turǵyndary ystyq sýmen qamtamasyz etilmek.
Aıta keteıik, JEO-da jóndeýlermen qatar jylý jelilerin qaıta qurý boıynsha jumystar atqarylýda. Barlyq negizgi jumystar aıaqtalý satysynda.
Eske salsaq, osyǵan deıin Rıdder JEO jumysshylaryna ýaqtyly jalaqy tólenbegeni úshin kináliler jazalanǵany habarlanǵan.
