Rıdder jylý ortalyǵyndaǵy jarylystan zardap shekken 3 adam Óskemenge jetkizildi

ÓSKEMEN. KAZINFORM – Shyǵys Qazaqstan oblysyndaǵy Rıdder jylý elektr ortalyǵyndaǵy jarylystan zardap shekken 3 adam Óskemenge jetkizildi.

Búgin Rıdder qalasyndaǵy jylý elektr ortalyǵynda shtattan tys oqıǵa bolǵan edi. Gazben dánekerleý jumystary kezinde gaz-aýa qospasy jarylyp, 6 adam zardap shekken. 

Qazirgi ýaqytta olardyń úsheýi Óskemenge jetkizildi. Qalǵany Rıdderde dárigerlerdiń baqylaýynda. 

- Oqıǵa ornyna Óskemennen reanımatolog pen travmatolog mamandary bar medıtsınalyq brıgada keldi. Olar eń aýyr jaraqat alǵan úsh adamdy oblys ortalyǵyna jetkizý týraly sheshim qabyldady. Medıtsına qyzmetkerleri barlyq qajetti sharalardy qabyldaýda. Naýqastardyń jaǵdaıy turaqty aýyr dep baǵalandy, - deıdi ShQO densaýlyq saqtaý basqarmasynyń basshysy Tólegen Jigitaev.

Osyǵan deıin Rıdder jylý ortalyǵynda gaz-aýa qospasy jarylyp, 6 adam zardap shekkeni týraly jazdyq.

Eske salsaq, osyǵan deıin ShQO-da bıyl 36 adam brýtsellez juqtyrǵany habarlanǵan.