Rıdder jylý ortalyǵyndaǵy eki qazandyq qashan jóndeledi
ÓSKEMEN. KAZINFORM – Shyǵys Qazaqstan oblysy Rıdder qalasyndaǵy jylý elektr ortalyǵynda eki qazandyq jóndelip jatyr.
«Shyǵys Jylý» AQ málimetine súıensek, búginde 2026-2027 jyldardaǵy jylytý maýsymyna daıyndyq aıasynda Rıdder jylý elektr ortalyǵynda jóndeý jumystary júrgizilýde.
Respýblıkalyq jáne oblystyq bıýdjetter esebinen №5 jáne №6 joǵary qysymdy qazandyq agregattary kúrdeli jóndelip jatyr.
- Bekitilgen kestege sáıkes №5 qazandyq 31 tamyzǵa deıin, №6 qazandyq 30 qyrkúıekke deıin jóndeledi. Sonymen qatar qaladaǵy jylý jelilerin jańǵyrtý jumystary da qolǵa alynǵan, - delingen aqparatta.
Sońǵy úsh jylda JEO-da aýqymdy jóndeý-qalpyna keltirý jumystary júrgizilgen. Nátıjesinde negizgi jabdyqtardyń tozý deńgeıi 75,4 paıyzdan 45,7 paıyzǵa deıin tómendedi.
Eske salsaq, osyǵan deıin Úkimet Rıdder qalasynyń jylýmen qamtý senimdiligin arttyrýǵa 1,8 mlrd teńge bóletindigi habarlanǵan.
