Rıdder jylý ortalyǵynda gaz-aýa qospasy jarylyp, 6 adam zardap shekti
ÓSKEMEN. KAZINFORM — Búgin Rıdder qalasyndaǵy jylý elektr ortalyǵynda shtattan tys oqıǵa boldy
Gazben dánekerleý jumystary kezinde gaz-aýa qospasy jaryldy. Jumys kómir beretin transporterde júrgizilip jatqan.
Sonyń saldarynan zardap shekken alty adam shuǵyl túrde aýrýhanaǵa jetkizildi. Qazir olardyń jaǵdaıy turaqty dep baǵalanyp, barlyq qajetti medıtsınalyq kómek kórsetilýde.
— JEO-da bolyp, ortalyq basshylyǵymen jáne jumysshylarymen kezdestim. Jaǵdaıdy tolyq baǵalaý úshin barlyq qazandyqtar men negizgi jabdyqtarǵa qosymsha tekserý júrgiziledi. Bolǵan oqıǵaǵa qaramastan, ortalyq qalypty rejımde jumysyn jalǵastyryp jatyr. Jabdyqtar aqaýsyz jumys isteýde. Rıdder turǵyndarynyń úılerine jylý berý toqtatylmaıdy. Mamandar aldaǵy ýaqytta JEO-da mundaı oqıǵalardyń aldyn alý úshin qajetti tekserý jumystaryn júrgizýde. Qala halqyna bul jaǵdaıǵa túsinistikpen qaraýyn jáne jalǵan aqparattarǵa senbeýin suraımyn, — deıdi oblys ákimi Ermek Kósherbaev.
Aıta keteıik, Rıdder jylý ortalyǵynda 5 qazandyqtaǵy jóndeý jumystary osy aıdyń basynda ǵana aıaqtalǵan bolatyn.