Rıdder jylý ortalyǵynda apta sońyna deıin taǵy bir qazandyq iske qosylady

Shyǵys Qazaqstan oblysy Rıdder jylý elektr ortalyǵynda apta sońyna deıin taǵy bir qazandyq iske qosylady, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, osy aptanyń sońyna deıin Rıdder jylý elektr ortalyǵynda ortasha qysymdy №2 qazandyq iske qosylady. Qazir qazandyqty qosý-baptaý jáne qaptaý jumystary aıaqtalýǵa jaqyn.

«Al joǵary qysymdaǵy №4, №5, №6 qazandyqtardy kúrdeli jóndeý kúnine 24 saǵattyq rejımde júrgizilýde. Ol jumystar bekitilgen kestege sáıkes qarashanyń 15-ine deıin tolyq aıaqtalýy tıis. Jóndeý jumystaryna birneshe aýysymda 400-den astam adam tartylǵan», - delingen habarlamada.

Búginde JEO-da kúrdeli jóndeýden ótken ortasha qysymdy №1 jáne №3 qazandyqtar qalypty jumys istep tur. Qazir №3 qazandyq qalaǵa ystyq sý, al áleýmettik mekemelerge jylý berýde. Jaqyn arada №1 qazandyq agregatynyń qýaty nomınaldy kórsetkishterge jetkennen keıin turǵyn úılerge, mekemelerge jáne óndiristik kásiporyndarǵa jylý berý bastalady.