Rıdder jylý ortalyǵy jeke menshikten memleket ıeligine ótti
Rıdder qalasyndaǵy jylý elektr ortalyǵy jeke menshikten memlekettik kommýnaldyq kásiporynnyń balansyna aýysty, dep habarlaıdy QazAqparat tilshisi.
Rıdderdegi jylý elektr ortalyǵynyń qysqa daıyndyǵy - 80 paıyz. Jóndeý jumystary aıaqtalǵan úsh qazandyqta gıdravlıkalyq synaq bastalady.
ShQO ákimdiginiń málimetinshe, úılerge ystyq sý qyrkúıek aıynyń sońynda beriledi. Úsh qazandyqtyń qýaty qalany jylytýǵa jáne syrtqy temperatýra rejımi -10 gradýs bolǵan kezde jetkilikti bolmaq.
Al barlyq alty qazandyq 15 qarashaǵa deıin iske qosylady.
«Búgingi tańdaǵy basty jańalyqtardyń biri - «Rıdder JEO» AQ qalalyq ákimdikke qarasty «Vodokanal» memlekettik kommýnaldyq kásipornyna senimgerlik basqarýǵa aýysty. Aldaǵy ýaqytta ortalyqty memlekettik menshikke berý jumystary da qatar júrgizilýde. Bul jumys shamamen 2 aıǵa sozylady. Jóndeý jumystarynan basqa, qajetti mamandar jumysqa qabyldanyp jatyr. Rıdderde bos jumys oryndary jármeńkesi de ótti», - deıdi oblys ákimi Ermek Kósherbaev.
18 qyrkúıekten bastap «Qazmyrysh» kásipornynyń 55 qyzmetkeri JEO-ǵa kelip, jumys istep jatyr.