Rıdder JEO jumysshylaryna ýaqtyly jalaqy tólenbegeni úshin kináliler jazalandy
ÓSKEMEN. KAZINFORM — Shyǵys Qazaqstan oblysy Rıdder qalasyndaǵy jylý elektr ortalyǵy jumysshylarynyń ýaqtyly jalaqy tólenbegeni úshin kináliler jaýapqa tartyldy.
«Rıdder JEO» AQ memleket menshigine ótkennen beri kásiporyn qalalyq «Sý arnasy» memlekettik kásipornynyń balansynda bolǵan.
2024 jyldyń 1 tamyzynan bastap jylý ortalyǵy oblystyq «Shyǵys jylý» kommýnaldyq kásipornynyń teńgerimine berildi.
Qala ákimdiginiń málimetine súıensek, aýysý kezinde «Sý arnasy» memlekettik kásipornynyń jumysshylar aldynda shilde aıynyń jalaqysy boıynsha qaryzy bolǵan.
29 tamyzda qaryz ishinara tólengen.
«Oblys ákiminiń orynbasary Baqytjan Baıahmetov kásiporyn jumysshylarymen kezdesti. Kezdesý qorytyndysy boıynsha búginnen bastap jalaqy tólene bastady. 8 qyrkúıekke deıin jumysshylardyń jalaqysy tolyqtaı tólenedi. Aıta ketý kerek, „Shyǵys jylý“ jaýapkershiligin eskere otyryp, kásiporyn jumysshylarǵa tamyz aıyna avans berilgen. Osyndaı jalaqy boıynsha qaryzdarǵa jol bergeni úshin oblys ákimi jaýapty tulǵalarǵa tártiptik jaza jarııalady», — delingen aqparatta.
