Rıdder JEO-nyń burynǵy menshik ıeleri 5,5 mlrd teńge boryshyn tóledi

QMA Shyǵys Qazaqstan oblysy boıynsha departamenti júrgizgen tergeý barysynda Rıdder JEO-nyń burynǵy menshik ıeleri 5,5 mlrd teńgeden astam boryshyn, onyń ishinde jalaqy jáne salyq mindettemeleri boıynsha qaryzdaryn tóledi, dep habarlaıdy Kazinform.

Osylaısha, jylý energııasyn óndirý stantsııasy qaryzsyz memleket menshigine óteýsiz negizde qaıtaryldy.

Esterińizge sala keteıik, Rıdder JEO-nyń burynǵy laýazymdy tulǵalary jóndeý jumystaryna arnalǵan qarajatty urlaǵan, nátıjesinde qala turǵyndary jylý energııasyn berý kezinde stantsııa birneshe ret isten shyqqan.

Jylý elektr ortalyǵynyń burynǵy basshylaryna qatysty memleketke asa iri mólsherde, 4,1 mlrd teńge somasynda zalal keltirdi degen kúdikpen, alaıaqtyq faktisi boıynsha tergeý júrgizilýde.

QR QPK-niń 201-babynyń talaptaryna sáıkes sotqa deıingi tergep-tekserýdiń ózge de derekteri jarııa etilýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.