Rıdder JEO ınvestory obektini memleketke 1 teńgege satty

Rıdder jylý elektr ortalyǵynyń ınvestory Ámirjan Nábıev atalǵan nysandy memleketke 1 teńgege berý týraly sheshim qabyldady. Bul týraly Energetıka mınıstri Almasadam Sátqalıev málim etti, dep habarlaıdy Kazinform. 

«Rıdder jylý elektr ortalyǵyn qalpyna keltirý úshin respýblıkalyq jáne jergilikti bıýdjetten aýqymdy qarajat bólindi. Jylý ortalyǵy is júzinde bıýdjet qarajaty esebinen qalpyna keltirildi. Atalǵan obekt ınvestory óz erkimen, Úkimet rezervi esebinen bólingen mindetterdi jabý úshin jylý ortalyǵyn memleketke 1 teńgege berý týraly sheshim qabyldady», - dep túsindirdi Almasadam Sátqalıev Májilis otyrysynan keıin tilshilerdiń suraǵyna jaýap bere otyryp.

Sondaı-aq BAQ ókilderi Energetıka mınıstrinen Rıdder jylý elektr ortalyǵynyń ınvestory Ámirjan Nábıevtiń ne sebepti ketkenin surady.

«Bul onyń erikti sheshimi boldy. Ol qaryzdardyń edáýir somasyn, jylý ortalyǵy aldyndaǵy 5 mlrd teńgeden astam bereshekti ótedi», - dep tolyqtyrdy A.Sátqalıev.