Rıdder turǵynynyń atyna 3 mln teńge nesıe alǵan alaıaq ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylaryna 23 jastaǵy jergilikti turǵyn júgingen. Óz sózinde ol beıtanys jigittiń ózin áńgimege tartyp, nesıe alyp berýin ótingenin, aı saıyn úzbeı tólep otyratynyn aıtyp sendirgenin jetkizdi.
Osylaısha, er adam 2 900 000 teńge somasynda birneshe bankten nesıe resimdegen. Alaıda birneshe aı nesıe boıynsha bereshekti tólegennen keıin ol baılanysqa shyqpaı, joǵalyp ketken. Jedel-izdestirý sharalaryn júrgizgen polıtsııa qyzmetkerleri 22 jastaǵy qala turǵynyn ustady.
Tergeý barysynda kúdikti óz kinásin moıyndady. Qazirgi ýaqytta atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary bastaldy. Osy baptyń sanktsııasynda 2 jylǵa deıingi merzimge bas bostandyǵynan aıyrý jazasy qarastyrylǵan.
Esterińizge sala ketsek, osyǵan deıin Óskemende polıtseıge kúsh kórsetken eki jigit ustalǵanyn habarlaǵan edik.