Rıdder turǵyny úıiniń as bólmesin esirtki qoımasyna aınaldyrǵan

ÓSKEMEN. QazAqparat – Shyǵys Qazaqstan oblysy Rıdder qalasynyń turǵyny úıiniń as bólmesin esirtki qoımasyna aınaldyrǵan, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary esirtki saqtady degen kúdikpen Rıdder qalasynyń 28 jastaǵy turǵynyn ustady.

Onyń páterin tintý kezinde as bólmeden aq tústi ótkir ıisti untaq salynǵan polımerli paket, qońyr-jasyl tústi ósimdik tektes zat bar qorap, elektrondy tarazy jáne qońyr untaq salynǵan paket tabyldy.

«Saraptama qorytyndysyna sáıkes, tárkilengen zattardyń ishinde salmaǵy 2,4 gramm psıhotroptyq zat, 16 gramm metkatınon tektes psıhotroptyq zat anyqtaldy. Sondaı-aq karton qoraptaǵy salmaǵy 3,05 gramm bolatyn ósimdiktiń keptirilgen marıhýana ekeni belgili boldy. Al plastık qoraptaǵy salmaǵy 6,10 grammdy quraıtyn zat – «kannabıs shaıyry» atty esirtki», - delingen aqparatta.

Kúdiktige qatysty eshqaıda ketpeý týraly qolhat túrindegi bultartpaý sharasy tańdaldy.

QR Qylmystyq kodeksiniń 296 baby 4 bóligine sáıkes qylmystyq is qozǵaldy.