Rıdder turǵyny urlyǵyn jasyrý úshin 4 kólikti órtep jibergen – ShQO
ÓSKEMEN. QazAqparat – Shyǵys Qazaqstan oblysy Rıdder qalasynyń turǵyny urlyǵyn jasyrý úshin 4 kólikti órtep jibergen, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 29 qańtarda túngi saǵat 03:40 shamasynda «102» jedel arnasyna avtokólikterdiń órtengeni týraly habar tústi. Birden oqıǵa ornyna polıtsııa qyzmetkerleri attanyp, kúdiktilerdi izdeýge kirisken.
Saǵat 05:30-da tártip saqshysy Qanat Saparov qolynda paketi bar er adamdy toqtatty. Polıtseıdiń «qaıdan kele jatyrsyz?» degen suraǵyna ol jóndi jaýap bermedi. Tipti pakettiń ishinde ne bar ekenin túsindire almaǵan.
«Anyqtalǵandaı, onyń ishinde basqa adamdardyń qujattary, kólik aınalary, flesh-kartalar jáne magnıtofondar bolǵan. Er adam mán-jaıdy anyqtaý úshin polıtsııa bólimine jetkizildi», - dep habarlady vedomstvo ókilderi.
Tergeý barysynda 24 jastaǵy rıdderliktiń úılerdiń aýlalarynda turǵan avtokólikterden urlyq jasaǵany, qylmysy áshkere bolmas úshin 4 kólikti órtep jibergeni belgili boldy. Qazirgi ýaqytta atalǵan fakti boıynsha sotqa deıingi tergeý amaldary júrgizilýde.
Aldyn ala málimet boıynsha kólik ıelerine keltirilgen shyǵyn mólsheri – 4 mıllıon teńgeden asýy yqtımal.
