Rıdder turǵyndarynyń máıithana jumysyna qatysty shaǵymyna resmı jaýap berildi
Sońǵy kúnderi áleýmettik jelide Rıdder turǵyndary qalalyq máıithananyń jumysyna qatysty shaǵymdanǵan bolatyn. Olar máıitterdi ashý protsedýrasynyń Rıdderde emes, Óskemende júrgiziletinin, sonyń saldarynan shyǵynǵa batatyndyqtaryn alǵa tartqan.
Osyǵan oraı ShQO Densaýlyq saqtaý basqarmasy túsinik berdi.
«Rıdderde eki birdeı vedomstvo bir ǵımaratta ornalasqan. Atap aıtqanda, Rıdder patoanatomııalyq bıýrosynyń bólimshesi men sot-medıtsınalyq saraptama ortalyǵynyń fılıaly. Patoanatomııalyq bıýro shtattyq rejımde jumys istep tur. Onda zorlyq-zombylyqtan kóz jumdy degen kúdikke ilinbegen adamdardyń máıiti jatqyzylady. Sol jerden máıit eshqaıda aparylmaıdy, ony ashý tegin júrgiziledi», - delingen aqparatta.
Al máıitten qylmystyq sıpat baıqalsa, onda sot-medıtsınalyq saraptama ortalyǵyna jiberiledi.
«Rıdderdegi bul ortalyq Óskemende ornalasqan bas ortalyqtyń bólimshesi bolǵandyqtan, máıitterdi Óskemen qalasyna jetkizý kerek», - dep túsindirdi vedomstvo ókilderi.