Rıdder turǵyndaryna jylytý maýsymy aıaqtalǵan soń jylý aqysy qaıta esepteledi
Qala ákimdiginiń málimetine súıensek, jylý-elektr ortalyǵynda bıylǵy jylytý maýsymynda jıi aqaý shyǵýyna baılanysty turǵyndar úshin jylý aqysy qaıta esepteledi. Sol úshin JEO-nyń ıelerimen kelissózder júrgizilgen.
«Ortalyqtyń jańa ıelerine jylý aqysyn qaıta esepteý múmkindigi týraly hat jiberdik. Olar jaýap berip, kelisetindikterin bildirdi. Biraq zań boıynsha qaıta esepteý jylytý maýsymy aıaqtalǵannan keıin ǵana júrgiziledi. Qazir sol týraly halyqqa túsindirip jatyrmyz», - deıdi Rıdder qalasynyń ákimi Dmıtrıı Gorkovoı.
Eske salsaq, ótken jyly 23 qazanda Rıdderdegi jylý elektr ortalyǵynda tótenshe jaǵdaı boldy. Qazandyqtar jumysyn toqtatyp, halyq jylýsyz qalǵan.
19 qańtarda ortalyqta órt shyqqan.
Birneshe saǵattyń ishinde qyzyl jalyn aýyzdyqtaldy.
Keıinnen jylý elektr ortalyǵynyń basshylyǵyna qatysty tergeý júrgizilip jatqany habarlandy.
Sondaı-aq Danıal Ahmetov Rıdder jylý elektr ortalyǵyndaǵy aqaýlar men apattardan úıleri qaıta-qaıta sýyp ketip otyrǵan turǵyndardan keshirim suraǵan edi.