Rıdder turǵyndary JEO-ny kommýnaldyq menshikke qaıtarý týraly petıtsııa jazdy
ShQO ákimdiginiń málimetine súıensek, Rıdderdegi tótenshe jaǵdaı rejımi Jylý elektr ortalyǵyndaǵy temperatýra tolyq qalpyna keltirilgennen keıin ǵana alynady.
«Búgingi tańda rıdderlikterdiń úılerindegi temperatýra 18 gradýstan 24 gradýsqa deıin ósti. JEO-nyń tórt qazandyǵy iske qosyldy. Qazir PIK jáne kondomınıým ókilderi jylý energııasynyń jetpeı qalǵan somasyn tirkep jatyr. Sodan keıin bul aqparatty jylýmen jabdyqtaýshy kompanııaǵa jiberedi. Eger JEO budan bas tartsa, onda turǵyndardyń quqyqtaryn qorǵaý maqsatynda quzyrly departamentke júginemiz», - deıdi qala ákimi Dmıtrıı Gorkovoı.
Onyń aıtýynsha, JEO-da QR Energetıka mınıstrligi Atom jáne energetıkalyq qadaǵalaý men baqylaý komıtetiniń tóraǵasy Suńǵat Esimhanov ta boldy. Ortalyqtaǵy aqaýdyń shyǵýyna kinálilerdi anyqtaý boıynsha tergeýdi quqyq qorǵaý organdary júrgizýde
«Rıdder turǵyndary JEO-ny kommýnaldyq menshikke qaıtarý kerektigin aıtýda. Olar bul týraly petıtsııa jazyp, Shyǵys Qazaqstan oblysynyń ákimi Danıal Ahmetovke júgindi», - delingen aqparatta.
Eske salsaq, 5 qarasha kúni saǵat 20.00-de atalǵan JEO-da kúl shyǵarý júıesindegi sorǵy isten shyǵyp, №1 qazandyq agregatynyń qosalqy jabdyǵy apatty jaǵdaıda ajyratylǵan bolatyn. Sonyń saldarynan 22 myńnan astam abonentke jylý berý azaıtyldy.
Tótenshe jaǵdaıǵa baılanysty qaladaǵy mektep oqýshylary 11 qarashaǵa deıin qashyqtan oqıtyn boldy.
Oblys bıligi Rıdderdegi Jylý elektr ortalyǵynyń jumysyn 9 qarashaǵa deıin qalpyna keltiriletindigin málim etti.
Ashyq kózderden alynǵan foto