Rıdder turǵyny XIX ǵasyrda jasalǵan sırek revolverdi polıtsııaǵa tapsyrdy

Gromotýha ózeniniń mańynda serýendep júrgen 43 jastaǵy er adam ǵasyrlyq tarıhy bar rarıtetti atys qarýyn taýyp aldy.

— Qarýdyń kez kelgen túrin tirkeýsiz saqtaý zańbuzýshylyq ekenin túsingen qala turǵyny tabylǵan zatty ózinde qaldyrmaı, dereý Rıdder qalalyq polıtsııa bólimine habarlasyp, qarýdy polıtsııa qyzmetkerlerine tabys etti. Jedel-krımınalıstıka basqarmasynyń mamandary júrgizgen zertteý nátıjesinde, onyń 8 mm kalıbrli Lefoshe júıesindegi revolver ekeni anyqtaldy. Bul revolverler — XIX ǵasyrdyń sońyndaǵy ańyzǵa aınalǵan qarý. Shtattyq oq-dárilerdiń bolmaýyna baılanysty onyń atysqa jaramdylyǵyn anyqtaý múmkin bolmaǵanymen, sarapshylar zattyń zaýyttyq shyǵý tegin jáne tarıhı qundylyǵyn rastady. Bul tabylǵan «ótken shaqtyń synyǵy» quqyq qorǵaý organdaryna der kezinde ótkizilgen sırek kezdesetin jaǵdaı, — dep habarlady ShQO Polıtsııa departamentinen.

Qazirgi ýaqytta qundy jádiger esepke alyndy.

Eske salsaq, osyǵan deıin zańsyz saqtalǵan qarýdy aqyly negizde qabyldaý aktsııasy aıasynda ShQO polıtsııasyna 1900 jyly shyǵarylǵan, sırek kezdesetin «Braýnıng» júıesindegi tapansha tapsyryldy.