Rıdder turǵyndarynyń úıi nege sýyq

Rıdder qalasy turǵyndarynyń úıi ne sebepti sýytyp ketkeni teplovızor arqyly tekserildi, dep habarlaıdy Kazinform. 

ShQO Aqparat ortalyǵynyń málimetine súıensek, Gagarın jáne Belınskıı kóshelerinde ornalasqan eki úıdegi tekserýdi «ÝK TS» AQ jóndeý jáne paıdalanýǵa berý qyzmetiniń mamandary júrgizdi. Eń sýyq núkteler men jylý joǵalatyn jerlerdi anyqtaý úshin teplovızor qoldanyldy.

«Olar páterlerdi, sonyń ishinde terezelerdi, batareıalardy, shatyrlardy jáne qorshaý konstrýktsııalaryn tekserdi. Nátıjesinde, ǵımarattyń ishki bóliginen jyly aýa shyǵyp jatqan jerler anyqtaldy. Kópqabatty úı kontýrlaryna qatysty da problema bar. Bul úılerdiń tozýyna baılanysty», - delingen habarlamada.

Munyń barlyǵy ǵımarattar ishindegi temperatýraǵa áser etedi. Sondyqtan arnaıy komıssııa turǵyn úılerdiń kontýrlaryn jylytýdy usyndy.