Rıdder turǵyndary qaqaǵan qysta taǵy jylýsyz qalmaı ma
Energetıka mınıstri Almasadam Sátqalıev Rıdder jylý elektr ortalyǵynyń aldaǵy qysqa daıyndyǵy jaıly aıtyp berdi, dep habarlaıdy Kazinform.
«Ol jerde tehnıkalyq jaı-kúıine baılanysty jóndeý jumysy júrgizilip, qazandyqtar búginde jumys istep tur. Taǵy 5 qazandyqty jóndeý jumystary taıaý kúnderi aıaqtalady. Qazirgi ýaqytta qala 100 paıyz jylýǵa qosylǵan. Bári jylý jetkizýdiń bazalyq rejımine saı júrip jatyr. Merdiger uıymdar jumysyn áli jalǵastyryp jatyr», - dedi Almasadam Sátqalıev.
Aıta keteıik, taıaýda Rıdder jylý elektr ortalyǵynyń ınvestory Ámirjan Nábıev atalǵan nysandy memleketke 1 teńgege berý týraly sheshim qabyldaǵanyn jazǵan edik.
Sondaı-aq Rıdder JEO-nyń burynǵy menshik ıeleri 5,5 mlrd teńgeden astam boryshyn, onyń ishinde jalaqy jáne salyq mindettemesi boıynsha qaryzyn tóledi.
