Rıdder kenishinde 30 jastaǵy jumysshy kóz jumdy
ÓSKEMEN. QazAqparat - 20 shilde kúni túnde Rıdder qalasyndaǵy Dolınnyı kenishinde bolǵan jazataıym oqıǵany komıssııa tekserip jatyr, dep habarlaıdy QazAqparat tilshisi.
30 jastaǵy jumysshynyń ólimin Shyǵys Qazaqstan oblystyq ishki ister departamenti de rastady.
«Osy derek Sotqa deıingi tergep-tekserýlerdiń biryńǵaı tizilimine QR Qylmystyq kodeksiniń 277-babynyń («Taý-ken nemese qurylys jumystaryn júrgizý kezinde qaýipsizdik qaǵıdalaryn buzý») 2-bóligimen tirkeldi. Oqıǵanyń mán-jaıy tekserilip jatyr», - delingen resmı habarlamada.
Beıresmı derekkózderdiń málimetinshe, úńgýshini júk tıegish mashına basyp ketken. Jedel járdem jetkenshe, kóp qan joǵaltqan jigit kóz jumdy.
