Rıdder qalasynda qubyr jarylýynan áleýmettik nysandar men turǵyndar sýsyz qaldy

TJM baspasóz qyzmetiniń habarlaǵanyndaı, 4 shaǵyn aýdanynda dıametri 180 mm sý qubyrynyń jarylýy saldarynan emhana, áskerılengen taýken- qutqarý bólimi, shirkeý, Rıdder psıhonevrologııalyq áleýmettik mekemesi, № 17 mektebiniń qosalqy ǵımaratynyń tutynýshylary jáne Dreıman kóshesindegi № 5, Perspektıvnaıa kóshesiniń № 8 turǵyn úıleriniń tutynýshylary - barlyǵy 120 abonent sýsyz qalǵan. Qazirgi ýaqytta tutynýshylarǵa arnaıy tehnıkalarmen sý tasymaldanyp jatyr.

Tótenshe jaǵdaıdy joıýǵa «Lenınogorsk PromStroı» JShS-niń 10 adamy jáne 4 birlik tehnıkasy qatysýda.