Rıdder qalasynda kólik apatynan 8 jasar oqýshy mert boldy
ÓSKEMEN. QazAqparat - Áleýmettik jelide Rıdder qalasyndaǵy oqýshynyń ólimimen aıaqtalǵan kólik apatynyń vıdoesy paıda boldy, dep habarlaıdy QazAqparat tilshisi.
Jergilikti ridder.city saıtynyń habarlaýynsha, qaıǵyly oqıǵa keshe tús áleýetinde oryn alǵan. Kýágerlerdiń aıtýynsha, «Istok» dúkeniniń aldyndaǵy jaıaý júrginshiler jolynan ótip bara jatqan 8 jasar balany joǵary jyldamdyqpen kelgen kólik soqqan. Saldarynan balanyń mıyna zaqym kelip, qalalyq aýrýhanaǵa asa aýyr jaǵdaıda jetkizilgen.Oqýshynyń ómirine jasandy tynys alý apparaty da arasha túse almady. Búgin oblystyq densaýlyq saqtaý basqarmasy balanyń qaıtys bolǵanyn rastady.
Áleýmettik jeli qoldanýshylary kólik qaqqan balanyń syrtqy sıpattaryna qarap, kim ekenin anyqtaǵan. Kólik ıesi de qazir jansaqtaý bóliminde jatyr. Joldaǵy balany tym kesh baıqaǵan tizginshi baǵytyn ózgertýge talpynǵan. Sonyń áserinen dińgekke soǵylyp, ózi de aýyr jaralanǵan.
Oqıǵanyń anyq-qanyǵyn qalalyq polıtsııa bóliminiń jedel izdestirý toby tekserý ústinde.
