Rıdder qalasynda aıýlar kóshe kezip júrgen
ÓSKEMEN. QazAqparat – Shyǵys Qazaqstan oblysy Rıdder qalasynda aıýlar kóshe kezip júrgen, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, polıtsııaǵa habarlasqan turǵyndar jyrtqysh ańnyń kóshe kezip júrgendigin aıtty.
«Belgili bolǵandaı, birneshe aıý qyrkúıek aıynyń basynda qala aýmaǵyna kirip ketken. Turǵyndar aıýlardy Polevoı kóshesindegi №202 jáne №206 úılerdiń mańynda jáne Proletarskaıa kóshesinde baıqady. Atalǵan fakti boıynsha tártip saqshylary túz taǵylarynyń qaıda ekenin anyqtaý úshin tıisti sharalardy júrgizdi. Qazirgi ýaqytta shahar kóshelerinde aıýlar joq», - delingen habarlamada.
Vedomstvo ókilderiniń dereginshe, jyrtqysh ańdar eshkimge zardap tıgizbegen.
Illıýstratsııalyq foto
