Rıdder ákimshilik aýmaǵyndaǵy sel qaýpi bar 4 taý kóli tekserildi
15 qyrkúıekte óńirde sel qaýpi kezeń aıaqtalady. «Shyǵys Qazaqstannyń 6 aýdanynda (Altaı, Zaısan, Katonqaraǵaı, Tarbaǵataı jáne Úrjar aýdandary men Rıdder qalasy) «Geografııa ınstıtýty« JShS ázirlegen tabıǵı jáne tehnogendik qaýipter men tótenshe jaǵdaılar táýekelderiniń atlasyna sáıkes sel qaýpi bar. Negizinen bul Ivanovskıı, Lıstvıaga, Ońtústik Altaı, Saýyr, Tarbaǵataı jotalarynyń bıik taýly jáne orta taýly aımaqtary, olarda 146 muzdyq kól ornalasqan.
QR TJM «Qazseldenqorǵaý« MM ShQ fılıalynyń jáne ShQO TJD mamandary selden, kóshkin qaýpi bar kezeńiniń qaýipsiz ótýi maqsatynda jáne joǵaryda kórsetilgen ýchaskelerge monıtorıngti kúsheıtý jóninde keshendi sharalar ótkizdi. Bir aı ishinde Rıdder qalasynyń ákimshilik aýmaǵyndaǵy Ivanovka jotasyndaǵy 4 taý kóline batımetrııa zertteý jumystary júrgizildi.
»Bul joly aerovızýaldy tekserýden basqa, kólderdi zertteý úshin batımetrııalyq túsirilim qoldanyldy, bul kólderdegi sý deńgeıi qalypty shekterde, kólderden sý kelý rejımi kedergisiz, odan shyqqan sý erkin aǵyp jatqanyn kórsetti. Sel jaǵdaıy turaqty. Ázirge kólderdiń arnasynan shyǵý qaýpi joq«, - dedi QR TJM «Qazseldenqorǵaý« MM ShQ fılıalynyń basshysy Omar Dúzgimbaev.
»Birinshiden, biz nysan týraly eń kóp aqparat jınaımyz: sý qoımasy men oǵan irgeles aýmaq týraly qolda bar qujattar. Parametrlerdi muqııat zerttegennen keıin batımetrııa zertteýler kólder men jasandy túrde jasalǵan sý qoımalarynyń úlken ýchaskelerin egjeı-tegjeıli zertteý úshin júrgiziledi. Túsirilim nátıjesi sý aıdyny men oǵan irgeles jatqan jer betin kórsete otyryp, syzbalar jasaý úshin negiz retinde paıdalanylady « - dep jalǵastyrdy Omar Dúzgimbaev.
Óńirde barlyǵy 12 baqylaý beketi jumys isteıdi.
Qaýipti ýchaskelerde 64 aqparattyq-eskertý taqta qoıylǵan, onyń ishinde 46 sel qaýpi bar jáne 18 kóshkin qaýpi bar ýchaskele qamtyldy.
Buryn júrgizilgen eki aerovızýaldy zertteý nátıjesi boıynsha zertteletin ózenderdiń basseınderindegi sý deńgeıi maýsymǵa sáıkes keletini anyqtaldy, taý jotalaryndaǵy qar jamylǵysy keı jerlerde baıqalady. Jańa erozııalyq oıystar men kóshkin qubylystary anyqtalǵan joq. Muz ben qardan muzdyq kólder tolyq ashyldy. Kólderdi bosatý boıynsha aldyn alý jumystaryn júrgizý talap etilmeıdi.
QR TJM «Qazseldenqorǵaý« MM fılıalynyń jáne ShQO Tótenshe jaǵdaılar departamentiniń mamandary sel qaýpi bar kezeń resmı jabylǵanǵa deıin ýchaskelerdi baqylaýdy jalǵastyrady.
