Rybakınanyń basty qarsylastarynyń biri Ýımbldonǵa qatysýdan bas tartty

LONDON. KAZINFORM – Álemniń 3-raketkasy, Belarýs ókili Arına Sobolenko ıyǵynan alǵan jaraqatyna baılanysty Ýımbldon týrnırine qatysýdan bas tartty. Tennısshi áleýmettik jelidegi paraqshasyna osyndaı sheshimge kelgenin jetkizdi.

«Oınaı almaıtynymdy bárińizge úlken ókinishpen habarlaýǵa májbúrmin. Týrnırge barynsha daıyn bolýǵa tyrystym, biraq búgin jattyǵý kezinde óz komandam bul oıyn jaǵdaıymdy kúrdelendire túsetinin túsindirdi», dep jazdy tennısshi. 

Budan buryn A.Sobolenko Berlındegi jarysta Anna Kalınskaıamen match kezinde de básekeden bas tartqan edi.

Belarýs tennısshisiniń ornyna Ýımbldonda irikteý saıysynan óte almaǵan reseılik Erıka Andreeva óner kórsetedi.

Ol alǵashqy aınalymda amerıkalyq Emına Bektaspen kezdesedi. 

Qazaqstandyqtar Elena Rybakına men ıÝlııa Pýtıntsevanyń Londondaǵy matchtary 2 shildege belgilengen. 

Ótken jyly Ýımbldonda jartylaı fınalǵa deıin jetken A.Sobolenko bıyl da álemniń 1-raketkasy, polıak qyzy Iga Shventek bastaǵan favorıtter qatarynda atalǵan edi. 

2023 jyly Aýstralııa ashyq chempıonatynyń fınalynda belorýssııalyq tennısshiniń qazaqstandyq Elena Rybakınany jeńip ketkeni belgili. 

Eske sala keteıik, budan buryn Ýımbldon týrnırinde qazaqstandyqtardyń múmkindigi qandaı ekendigin jazǵan bolatynbyz.