Rybakınanyń basty qarsylastarynyń biri Parıj Olımpıadasyna barmaıdy
ASTANA. KAZINFORM — Álemniń úshinshi raketkasy, Belarýs tennısshisi Arına Sobolenko Frantsııa astanasy Parıjde ótetin Olımpıada oıyndaryna qatyspaıtynyn málimdedi.
Bul týraly jýrnalıst Marıo Bakardı óziniń áleýmettik jelilerinde habarlady.
«Úlken dýlyǵa» týrnıriniń eki dúrkin chempıony Olımpıadaǵa qatyspaýynyń sebebin jarystardyń kóptigimen jáne jabyndylardyń ózgerýimen baılanystyryp otyr.
ıAǵnı, oǵan birden topyraq jabyndydan shóp jabyndysyna aýysý qıynǵa soǵyp otyrǵanǵa uqsaıdy.
Al tyǵyz oıyn kestesine kelsek, sarapshylar jylda ótetin týrnırlerden góri tórt jylda uıymdastyrylatyn Olımpıadaǵa qatysý abyroıly ekenin alǵa tartyp otyr. Mundaı sheshimniń saıası astary da bar sııaqty.
Sebebi, Parıj Olımpıadasynda Reseı jáne Belarýs tennısshileri óz elderiniń atynan qatyspaı, beıtarap mártebemen óner kórsetedi.
Aıta keteıik, Sobolenko 2021 jyly Tokıo Olımpıadasynda ekinshi aınalymda-aq jeńilip qalǵan bolatyn.
Esterińizge salsaq, byltyr Meksıkanyń Kankýn qalasynda ótip jatqan WTA qorytyndy týrnırinde aýa raıyna baılanysty Elena Rybakına men Arına Sobolenkonyń matchy keıinge qalǵan edi.
