Rybakına jaraqatyna baılanysty Qytaıdaǵy týrnırge qatysýdan bas tartty
ASTANA. KAZINFORM — Qazaqstannyń jáne álemniń 1-raketkasy Elena Rybakına 12-18 qazanda ótetin Ýhan (Qytaı) WTA 1000 týrnırine qatysa almaıtyn boldy.
Qazaqstandyq tennısshi keshe Beıjiń WTA 1000 týrnıriniń ekinshi aınalymynda reıtıngide 118-oryndaǵy armenııalyq Alına Charaevadan jeńilgen edi.
Oıynnan keıin Elena Rybakına tabanyndaǵy jaraqaty mazalaǵanyn aıtqan bolatyn.
— Bir apta demalys alamyn. Aıaǵym tolyq jazylyp, 2026 jylǵy maýsymdy aıaqtaý úshin qalǵan týrnırlerde oınaımyn dep úmittenemin, — dedi Rybakına.
Elena Rybakına byltyr Ýhanda shırek fınalǵa deıin jetken edi. Endi sol upaıyn qorǵaı almaıdy.
Odan keıin 19-25 qazanda ótetin Nınbo (Qytaı) WTA 500 dodasy kútip tur. Munda Elena Rybakına ótken jylǵy chempıondyq ataǵyn ári 500 reıtıngilik upaıyn qorǵaýǵa tıis.
Eske salaıyq, munyń aldynda Aleksandr Býblık juptyq synda Beıjiń týrnıriniń fınalynan tys qalǵanyn jazǵan edik.
