Rybakına WTA-nyń jańa maýsymyna daıyndyǵy týraly aıtty

Álemniń tórtinshi raketkasy, qazaqstandyq tennısshi Elena Rybakına 2024 jylǵy WTA-nyń jańa maýsymyna daıyndyǵy jóninde aıtty. Kazinform bul týraly Sports.kz portalyna silteme jasap habarlaıdy. 

«Men ár jarys aldynda sheberligimdi odan saıyn shyńdaı túsýge tyrysamyn. Kortqa shyqqanda tehnıkalyq, fızıkalyq qabiletimdi, sheshim qabyldaý turǵysynan da áleýetimdi arttyrý úshin jumystanamyn. Únemi formada júrý – meniń eń mańyzdy mindetim», - dedi Elena Talk 100.3 arnasyna bergen suhbatynda. 

Eske sala ketsek, Rybakına 31 jeltoqsanda jańa maýsymdy Brısbendegi (Aýstralııa) WTA 500 týrnırde óner kórsetýden bastaıdy.