Rybakına Parıjde Rolan Garros chempıonyn jarys jolynan taıdyrdy

ASTANA. KAZINFORM – Qazaqstannyń birinshi, álemniń 11-raketkasy Elena Rybakına Rolan Garros týrnıriniń tórtinshi aınalymyna shyqty.

Qazaqstandyq tennısshi úshinshi kezdesýin álemniń 21-raketkasy, Rolan Garros jarysynyń 2017 jylǵy chempıony, latvııalyq Elena Ostapenkomen ótkizdi. 

Qarsylastar osyǵan deıin bes ret kezdesip, sonyń sońǵy úsheýinde Rybakına utqan edi. Bul joly qazaqstandyq tennısshi matchty breıkpen bastady – 2:0. Sodan keıin taǵy bir breık jasap, setti sátti aıaqtady – 6:2.

Rybakına ekinshi partııada da 2:0 esebimen alǵa ketti. Taǵy bir breık – 4:1. Latvııalyq tennısshi qaıyra breık jasaǵanymen, qazaqstandyq sportshy qarap qalmady – 5:2. Aqyry jeńis núktesin qoıdy - 6:2. 

Bir saǵat 15 mınýtqa sozylǵan báseke barysynda E.Rybakına 6 eıspen birge 14 breık-poınttyń beseýin qur jibergen joq. Ostapenko 3 eıs, 1 breıkpen (2 breık-poınt) kózge tústi.

Elena shırek fınalǵa shyǵý úshin álemniń 5-raketkasy, Rolan Garros dodasynyń tórt dúrkin chempıony, Polsha ókili Iga Shventekpen sheberlik talastyrady. 

Shventek úshinshi aınalymda reıtıngide 60-oryndaǵy rýmynııalyq Jaklın Krıstıandy joldan taıdyrdy – 6:2, 7:5.

Taǵy bir qazaqstandyq ıÝlııa Pýtıntseva kanadalyq Leıla Fernandespen birge ekinshi aınalymda jarystyń 12-raketkalary, slovakııalyq Tereza Mıhalıkova – ulybrıtanııalyq Olıvııa Nıkollske ese jiberdi – 4:6, 6:0, 4:6.

Eske sala keteıik, budan buryn Rolan Garros týrnırinde Elena Rybakınanyń 2017 jylǵy chempıonmen oınaıtynyn jazǵan bolatynbyz.