Rybakına men Danılına álemdik reıtıngide rekordtyq kórsetkishke qol jetkizdi
ASTANA. KAZINFORM — Áıelder tennısi qaýymdastyǵy (WTA) jarııa etken jekeleı jáne juptyq syndaǵy reıtıngide qazaqstandyq tennısshilerdiń orny belgili boldy.
Indıan-Ýells (AQSh) WTA 1000 týrnırinde fınalda óner kórsetken Elena Rybakına men Anna Danılına álemdik reıtıngide jeke rekordtaryna qol jetkizdi.
E.Rybakına Polsha ókili Iga Shventekti artqa tastap, sporttyq jolynda alǵash ret ekinshi raketka atandy. Sol sekildi A.Danılına álemdik reıtıngide 7-den 4-orynǵa kóterildi. Bul — onyń da sporttyq jolyndaǵy eń úzdik nátıjesi.
Jekeleı synda ıÝlııa Pýtıntseva 76-dan 75-ke aýyssa, birazdan beri jarysqa qatyspaı júrgen Zarına Dııas 296-dan 312-ge, Jibek Qulambaeva 388-den 419-ǵa quldyrady.
Juptyq synda J.Qulambaeva 140-ornynda qalsa, ıÝ.Pýtıntseva 156-dan 209-ǵa tómendedi.
Endi Qazaqstannyń kóshbasshy tennısshileri AQSh-taǵy Maıamı WTA 1000 jarysynda sátti oınasa, reıtıngilik upaı qoryn tolyqtyra alady.
Eske sala keteıik, budan buryn Indıan-Ýells týrnırinde Elena Rybakınanyń fınalda álemniń 1-raketkasyna jol bergenin jazǵan bolatynbyz.
Sondaı-aq Elena Rybakınanyń Indıan-Ýellsten keıin Maıamı týrnırinde baq synaıtyny habarlandy.
Italııalyq tennısshi ıAnnık Sınner masters týrnırleri tarıhynda rekord ornatty.
