Rybakına densaýlyǵyna baılanysty Tokıo týrnıriniń jartylaı fınalynda oınaýdan bas tartty
ASTANA. KAZINFORM — Qazaqstannyń birinshi, álemniń 7-raketkasy Elena Rybakına Tokıo (Japonııa) WTA 500 týrnıriniń fınalynan tys qaldy.
WTA resmı saıtynan málim etkenindeı, qazaqstandyq tennısshi densaýlyǵyna baılanysty jartylaı fınalda álemniń 17-raketkasy, chehııalyq Lında Noskovamen oınaýdan bas tartty.
- Óte ókinishti, men búgin oınaı almaımyn. Osy aptada arqamda máseleler boldy, sondyqtan 100 paıyz óner kórsete almaımyn. Búgin meni jankúıerlerim kóre almaıtynyna qapalymyn. Biraq kelesi jyly meni kóredi dep úmittenemin, - dedi Rybakına.
Osylaısha, L.Noskova oınamastan fınalǵa ótti. Ol sońǵy básekede álemniń 13-raketkasy, shveıtsarııalyq Belında Benchıch nemese reıtıngide 25-oryndaǵy amerıkalyq Sofııa Kenınniń qaı jeńgenimen chempıondyq ataqty sarapqa salady.
E.Rybakına Tokıo jarysynyń jartylaı fınalyna shyqqannan keıin 1-8 qarashada Er-Rııadta ótetin WTA qorytyndy týrnırine joldama alǵan bolatyn.
Eske sala keteıik, budan buryn Elena Rybakınanyń jyldyń qorytyndy týrnırine joldama alǵanyn jazǵan edik.
Sondaı-aq Anna Danılına Tokıo týrnıriniń jartylaı fınalyna shyqty.
Elena Rybakına biregeı kórsetkishke qol jetkizdi.
