Rybakına Beıjińdegi týrnırdiń ekinshi aınalymynda kimmen kezdesedi

ASTANA. KAZINFORM – Qytaı astanasy Beıjińde WTA 1000 týrnıriniń alǵashqy aınalymy ótip jatyr.

Jarystyń 8-raketkasy bolyp tirkelgen Elena Rybakına dodany ekinshi aınalymnan bastaıdy.

Búgin otandasymyzdyń qarsylasy anyqtaldy. WTA reıtınginde 90-orynda turǵan amerıkalyq Ketı Maknellı alǵashqy aınalymda álemniń 53-raketkasy, 37 jastaǵy germanııalyq Laýra Zıgemýndty qapy qaldyrdy – 6:4, 6:2. Osylaısha, Maknellı ekinshi kezdesýin E.Rybakınamen ótkizedi.

Taǵy bir qazaqstandyq, álemniń 63-raketkasy ıÝlııa Pýtıntseva birinshi aınalymda týrnırge arnaıy shaqyrtý alǵan qytaılyq, reıtıngide 110-oryndaǵy ıÝan ıÝemen oınaıdy. Ony jeńgen jaǵdaıda álemniń ekinshi, osy jarystyń 1-raketkasy, Polsha ókili Iga Shventekke tap keledi. 

Ótken jyly Beıjińde amerıkalyq Korı Gaýff chempıon bolǵan edi. Alaıda ol týrnırge Rybakına qatysqan joq. Al Pýtıntseva ekinshi aınalymnan ary asa almaǵan bolatyn. 

Bıyl E.Rybakına sátti óner kórsetse, reıtıngidegi jaǵdaıyn jaqsarta alady. Qazirdiń ózinde ol WTA Live reıtıngisinde 9-orynǵa kóterilip tur. 

Eske sala keteıik, budan buryn Aleksandr Býblıktiń ATP týrnırlerindegi segizinshi tıtýlyn jeńip alǵanyn jazǵan edik. 

Sondaı-aq Dmıtrıı Popko AQSh-taǵy týrnırde amerıkalyq tennısshiden aılasyn asyrdy.