Rybakına barlyq «Úlken dýlyǵa» týrnırinde qazaqstandyqtar arasynda úzdik nátıjege qol jetkizdi

ASTANA. KAZINFORM — Álemniń 10-raketkasy Elena Rybakına barlyq «Úlken dýlyǵa» týrnırinde tórtinshi aınalymǵa ótken alǵashqy qazaqstandyq tennısshi atandy.

E.Rybakına AQSh ashyq chempıonatynda óz sporttyq jolynda birinshi ret tórtinshi aınalymǵa ótti.

Qazaqstandyq tennısshi osyǵan deıin 2022 jyly Ýımbldonda chempıon boldy. 2023 jyly Aýstralııa ashyq chempıonatynyń fınalyna deıin jetti. Al Rolan Garros týrnırinde eki ret, 2021 jáne 2024 jyldary shırek fınalda oınady.

E.Rybakına AQSh ashyq birinshiliginiń shırek fınalyna shyǵý úshin reıtıngide 60-oryndaǵy chehııalyq, 2023 jylǵy Ýımbldon chempıony Marketa Vondroýshovamen talasady. Ol úshinshi aınalymda álemniń 8-raketkasy, ıtalııalyq Jasmın Paolınıdi qapy qaldyrdy — 7:6 (7:4), 6:1.

Eske sala keteıik, budan buryn Elena Rybakınanyń AQSh chempıonyn oısyrata utyp, tórtinshi aınalymǵa shyqqanyn jazǵan bolatynbyz.