Rybakına 16 jasar reseılik tennısshini jeńip, Beıjiń týrnıriniń shırek fınalyna shyqty

Qazaqstannyń birinshi, álemniń 5-raketkasy Elena Rybakına Beıjiń (Qytaı) WTA 1000 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi úshinshi aınalymda álemniń 60-raketkasy, 16 jastaǵy reseılik Mırra Andreevamen sheberlik baıqasty.

Matchty jas tennısshi qarqyndy bastady – 6:2. Degenmen ekinshi partııada E.Rybakına tarazy basyn ózine aýdardy – 6:4.

Úshinshi, sheshýshi sette Elena 5:0 esebimen alǵa ketti. Aqyry úshinshi matchbolyn eıspen támamdady – 6:1.

Bir saǵat 50 mınýtqa sozylǵan tartysty báseke barysynda qazaqstandyq sportshy 10 eıs jasap, 5 breık-poınttyń tórteýin óz esebine jazdy. M.Andreeva 2 eıs, 3 breıkpen (9 breık-poınt) kózge tústi.

Elena Rybakına jartylaı fınalǵa shyǵý úshin álemniń 1-raketkasy, Belarýs ókili Arına Sobolenko nemese reıtıngte 36-satydaǵy ıtalııalyq ıAsmın Paolınıdiń bireýimen talasady.

Taǵy bir qazaqstandyq, dúnıejúzilik reıtıngte 258-orynda turǵan Denıs Evseev Shanhaı masters jarysynyń alǵashqy aınalymynda álemniń 57-raketkasy, majarstandyq Marton Fýchovıchqa ese jiberdi.

Eske sala keteıik, budan buryn Elena Rybakınanyń Beıjiń týrnıriniń úshinshi aınalymyna shyqqanyn jazǵan edik.