Rıanna Maıkl Djekson atyndaǵy MTV syılyǵyn alady
ASTANA. QazAqparat - Ánshi Rıanna Maıkl Djekson atyndaǵy MTV syılyǵyn alady, dep habarlady Gazeta.ru Billboard-ke silteme jasap.
Marapattyń tolyq ataýy - Michael Jackson Video Vanguard Award.
Osyǵan deıin mundaı syılyqty Kane Ýest jáne Beıonse alǵan.
Marapattaý rásimi 28 tamyzda Nıý-Iorkte ótedi.
«MTV qurmet gramotasynyń laýreaty retinde sahnaǵa kóterilý men úshin úlken mártebe», - dedi Rıanna.
Sonymen qatar, ánshi tórt atalym boıynsha syılyqtan úmitti.
Jýrnaldyń jazýynsha, Rıannanyń beınebaıandary talaı ret tań qaldyrǵan. Onyń YouTube saıtyndaǵy paraqshasy 10 mlrd-qa jýyq ret qaralǵan.
