Rıananyń Nıtstsada josparlaǵan án keshi keıinge shegerildi
ASTANA. QazAqparat - Álemdik BAQ-tyń habarlaýynsha, Frantsııanyń Nıtstsa qalasyndaǵy teraktige baılanysty, aldaǵy kúnge josparlanǵan barlyq oıyn-saýyq sharalary ótpeıtin boldy.
«Nastoıaşee vremıa» ınternet basylymynyń Frantsııadaǵy derek kózderine silteme jasaı otyryp, habarlaǵanyndaı, Frantsııadaǵy tótenshe jaǵdaı rejımi keminde úsh aıǵa sozylady.
Sondaı-aq, búkil frantsýz taksısteri zardap shekken adamdar men shoshynǵan halyqty oqıǵa ornynan kez kelgen jerge deıin tegin jetkizip jatyr eken.
Frantsııanyń Prezıdenti Avınonǵa josparlanǵan saparyn keıinge shegerip, Parıjde tótenshe keńes ótkizýde.
Italııa memleketi Frantsııamen aradaǵy shekarasyn kúsheıtti. Nıtstsa qalasynyń ákimshiligi djaz mýzykasynyń festıvali men Rıananyń kontsertin keıinge shegergen.
Esterińizge sala keteıik, Qazaqstannyń Syrtqy ister mınıstrligi Nıtstsadaǵy terakt kezinde bes qazaqstandyq azamattyń sol jerde bolǵanyn, abyroı bolǵanda, eshqaısysy zardap shekpegenin habarlady.
