RIA Novostı Qazaqstandaǵy saılaýdyń ashyqtyǵy týraly maqala jarııalady
ASTANA. QazAqparat - «Túrkitildes elder Parlamenttik assambleıasy baıqaýshylarynyń aıtýynsha, Qazaqstandaǵy saılaý ashyq ótti» degen taqyrypta reseılik RIA Novostı halyqaralyq aqparat agenttigi maqala jarııalady.
Onda Túrkitildes elder Parlamenttik assambleıasynyń baıqaýshylar mıssııasynyń basshysy Halýk Ipektiń, «saılaý eshqandaı qysymsyz, ashyq, halyqaralyq talaptarǵa saı jáne jarııa túrde júrgizildi» degen sózinen úzindi keltirilgen. Sonymen qatar, maqalada Ekzıt-pol málimeti boıynsha, Parlamentke «Nur Otan» partııasynan ózge qajetti 7%-dan artyq daýys jınaǵan «Aq jol» jáne Qazaqstan kommýnıstik halyq partııasy kiretini aıtylǵan, dep jazady 24.kz.
