RFO tóreshiler komıtetiniń basshysy Levnıkov QFF-ta jumys jasaıtyn bolady
ASTANA. QazAqparat - Reseı fýtbol odaǵy (RFO) tóreshiler komıtetiniń tóraǵasy Nıkolaı Levnıkov Qazaqstanda eki jyl jumys jasaıtyn bolady. Mundaı málimdemeni RFO basshysy Vıtalıı Mýtko jasady, dep habarlaıdy rsport.ru.
Bul týraly Mýtko seısenbi kúni Máskeýde ótken RFO atqarý komıtetiniń otyrysynan soń baıandady. RFO basshysy Levnıkovtyń ornyna kimniń taǵaıyndalatyny týraly aıtpady.
«Levnıkov Qazaqstanǵa 2 jyl jumys jasaý úshin ketedi. Biz oǵan sáttilik pen tabys tileımiz. RFO tóreshiler komıtetin kim basqaratynyn kóremiz», - dedi Mýtko jýrnalısterge.
Eske sala keteıik, Levnıkov 2008-2009 jyldary Qazaqstan fýtbol federatsııasynyń tóreshilik jáne ınspektorlyq departamentin basqarǵan.
